Скопје, 22 април 2020 година – Согласно донесената одлука на Владата за намалување на рестрикциите на движењето, односно измена на забраната и на посебниот режим на движење на населението (полициски час) на целата територија на државата и Одлуката за утврдување распоред на работното време, архивата на Агенцијата, почнувајќи од утре, ќе работи со полно работно време, од 08:30 до 16:30 часот.
Имајќи предвид дека останатите мерки на Владата за превенција и заштита од коронавирусот (COVID-19) остануваат на сила, сите субјекти, правни и физички лица, како и во изминатиот период, целокупната документација во јасно читлива скенирана форма, можат непречено да ја доставуваат и преку е-адресата: contact@avmu.mk. Документацијата ќе се смета за уредно доставена, за што испраќачот ќе биде повратно известен.