SHKUP, 07.12.2012- Këshilli i Radiodifuzionit (KRD) e miratoi informacionin për regjistrimin e serviseve programore të përfaqësuar nga Shoqata për mbrojtjen e të drejtave të autorit në fushën e muzikës- (ZAMP) Shkup, dhe mori këto vendime:
-Për serviset e radiodifuzerëve publike nga Evropa, Këshilli i Radiodifuzionit të mos kërkojë ti jape leje për veprimtarinë radiodifuzive, sepse ata e fitojnë të drejtën e ushtrimit të veprimtarisë radiodifuzive në bazë të ligjit.
-Për serviset programore të VG Media Gmbh (kanalet komerciale gjermane, austriake, holandeze dhe kanale komerciale romune) dhe RTL Television (kanalet komerciale RTL Television GmbH, Super RTL, n-tv, VOX dhe RTL II), Shoqata për mbrojtjen e të drejtave të autorit në fushën e muzikës- ZAMP- Shkup të sigurojë leje (licenca) për ushtrimin e veprimtarisë radiodifuzive dhe ti’a dorëzojë Këshillit të Radiodifuzionit ose me leje të këtilla ti furnizojë operatorët dhe më pas ata do t’ia dorëzojnë këtë akte Këshillit të Radiodifuzionit
-Të bëhet kontrollimi i operatorit kablovik KTV Peshna- Makedonski Brod që të vërtetohet sa servise programore ky operator ritransmeton në paketin e tij, ndërkohë që në Këshillin e Radiodifuzionit ka regjistruar vetem tre servise programore televizive.
KRD e miratoi informacionin për ndryshimin e emrit të servisit programor televiziv DoQ më 24 Kitchen, Në paketën programor të SHTR- operator i rrjetit kablovik Spajder-Net-Gjevgjeli. Me shënimin e afatit të marrëveshjes deri më 01.01.2014.
KRD e miratoi kërkesën e Shoqatës për inxhiniering telekomunikimi, softuer, tregti dhe shërbime “БЛИЗУ МЕДИА EНД БРОУДБЕНД” – SHKUP, për korrigjimin e datave të marrëveshjeve dhe vendosi të jape vërtetim të korrigjuar për paketën e regjistruar programore nr. 1.
KRD e miratoi Propozim – Programën për punë në Këshillin e Radiodifuzionit të RM-ës në vitin 2013.