Директор на Агенцијата

Директор на Агенцијата за аудио и аудиовизуелни медиумски услуги е д-р Зоран Трајчевски, избран на 12-тата седница на Советот на Агенцијата, одржана на 7 октомври 2014 година.

Магистер е по машински науки и енергетска ефикасност и магистер по економски науки.

Господин Трајчевски е поранешен директор на Агенцијата за електронски комуникации и одличен познавач на легислативата за медиуми и електронски комуникации.

Роден е на 7 март 1970 година.

По завршувањето на додипломските студии на Машинскиот факултет на УКИМ во Скопје, во 1994 година, специјализира менаџирање на ефективна либерализација во телекомуникациите и радиодифузијата во Вашингтон, САД, во FCC, и завршува  специјализиран курс за утврдување на трошоци за интерконекција според LRIC методологијата во Лондон.

Во 2008 година, завршува постдипломски студии на УКИМ и стекнува звање Магистер на машински науки, енергетска ефикасност.

Во 2010 година, завршува постдипломски студии на Привредна Академија во Нови Сад, Република Србија, на насоката: Внатрешна и меѓународна трговија, и стекнува звање „Магистер по економски науки“.

Во 2013 година, со докторската дисертација на тема „Либерализација на пазарот на електронските комуникации и менаџментот на компаниите, на Привредна Академија во Нови Сад, Република Србија, се стекна со научен степен Доктор на економски науки.

Во октомври 2017 година, д-р Зоран Трајчевски е избран за доцент во научната област деловна и меѓународна економија, при Факултетот за економија и инженерски менаџмент во Нови Сад.

Движење во службата:

– Од 1995 до 1998 работи во приватна компанија за  трговија со електронска опрема;
– Од 1998 до 1999 е раководител на Техничкиот сектор на АД Македонски телекомуникации;
– Од 1998 до 2002 работи како заменик-претседател на Управниот одбор на АД Македонски пошти;
– Од 2000 до 2002 е член на Бордот на директори на сателитската компанија EUTELSAT S.A, Париз;
– Од 2000 до 2002 работи како директор на Управата за телекомуникации;
– Од 2003 до 2006 работи во приватната компанија „Серта“;
– Од 2005 до 2011 е член на Управниот одбор на ЈП Комунална хигиена – Скопје;
– Од 2006 до 2007 работи како Советник за телекомуникации на Министерот за транспорт и врски;
– Од 2006 до 2011 Застапник на Владата на РМ во АД Македонски телекомуникации и претседател на Собранието на акционери на АД Македонски телекомуникации;
– Од 2007 до 2009 Заменик-дирeктор на ЈП Македонска радиодифузија;
– Од 2010 до 2011 работи во приватната фирма „Серта“;
– Од 2011 до средина на 2011 извршен директор на АД ЕМО – Охрид.
– Од 2011 до 2012 Член на Советот за радиодифузија на Република Македонија;
– Од 2012 до 2014 Претседател на Советот за радиодифузија на Република Македонија;
– Од 2014 – во тек Директор на Агенцијата за аудио и аудиовизуелни медиумски услуги;