Скопје, 02.05.2018 – Агенцијата за аудио и аудиовизуелни медиумски услуги констатираше дека на 26 април поголем дел од националните телевизии не известија за протестот против промена на името, насловен „Република Македонија Ерга Омнес“.
Медиумите самостојно и независно ја креираат уредувачката политика, но имајќи ја предвид нивната специфична улога, истовремено се должни да ја информираат јавноста за важни општествени прашања. На овој начин се поттикнува поширока дебата што е еден од основните темели на демократските општества.