Скопје, 3 април 2025г. – Агенцијата за аудио и аудиовизуелни медиумски услуги по службена должност изврши вонреден административен надзор врз работата на ТВ Дуе од Гостивар за да констатира дали радиодифузерот постапил согласно законските одреби за објава на импресум, информации кои треба да им бидат достапни на корисниците и објава на идентификација на радиодифузер.
Со надзорот констатирано е дека радиодифузерот на програмата емитувана на 25 март не објави импресум на програмите со верска содржина “Rregullat e shkurorzimit në islam”, читање од Куран (аудиовизуелна целина без наслов), “Drita islame” и „Besimi në Allahun xh.sh. dhe shpresa”; документарно-забавната програма „Kuzhina në ekran“ и на репризираната информативна емисија–интервју со Ардиан Хоџа директор на „Албафон “Emision debativ – Meqë ra fjala”.
Извештајот е достапен на следниот линк:
ТВ Дуе – (прекршување на член 14 од Законот за медиуми) – 01.04.2025