Скопје, 24 септември 2025 – Советот на Агенцијата на 11 тата седница за 2025 година донесе Упатство за изменување и дополнување на Упатството за потврдување на извештаите за емитуваното платено политичко рекламирање. На носењето на документот му претходеше јавна расправа која траеше 45 дена.
Од четирите клучни промени, две се поврзани со претходни измени на Изборниот законик, а две се резултат на искуството на Агенцијата од имплементација на обврските од Изборниот законик во текот на изминатите изборни циклуси.