Скопје, 18 декември 2025 – Советот на Агенцијата на денешната 23-та седница за 2025 година, донесе Упатство за радиодифузерите за Повторните избори за градоначалник на Општина Гостивар, градоначалник на Општина Врапчиште, градоначалник на Општина Маврово и Ростуше и градоначалник на Општина Центар Жупа, 2026 година.
Со ова Упатство се појаснува начинот на примена на одредбите од Изборниот законик за распределба на времето за платено политичко рекламирање, означување на нарачателот на рекламирањето, распределба на времето во вестите кај Јавниот радиодифузен сервис, бесплатното политичко претставување на Програмскиот сервис наменет за емитување на активностите на Собранието на РСМ и за обезбедување пристапност на содржините за изборниот процес за Повторните избори за градоначалник на Општина Гостивар, градоначалник на Општина Врапчиште, градоначалник на Општина Маврово и Ростуше и градоначалник на Општина Центар Жупа, 2026 година.