Скопје, 10 февруари 2026 – Агенцијата за аудио и аудиовизуелни медиумски услуги изврши редовен административен надзор врз издавачите на печатени медиуми: РЕПРО ПРИНТ издавач на „Нова Македонија“; СЛОБОДЕН издавач на „Слободен печат“; ВЕЧЕР ПРЕС издавач на „Вечер“; КОХА ПРОДУЦТИОН издавач на „Коха“; МЕДИА ПЛУС ФОКУС издавач на „Фокус“; ЈЕНИ БАЛКАН издавач на „Бахче“; АТВ МЕДИА КОМПАНИ издавач на „Лајм“; ЕУРО-МАК КОМПАНИ издавач на „Економија и бизнис“; ЗЕНИТ ПРЕС издавач на „Зенит“ и НАРОДЕН ЛЕКАР издавач на „Народен лекар“.
Предмет на надзор беше обврската од членот 14 став 1 од Законот за медиуми, кој се однесува на објава на податоци за назив и адреса на седиштето и уредништвото на издавачот на медиум, име на одговорното лице на издавачот на медиум, име и презиме на одговорниот уредник, односно уредниците во согласност со внатрешната организација на уредништвото и назив и адреса на печатницата и датумот на печатење или препечатување, како и бројот на печатени примероци, кога се работи за печатен медиум“
Надзорот покажа дека обврската е во целост исполнета кај сите печатени медиуми.
Извештајот е достапен на линкот:
Општ извештај – (член 14 став 1 од Законот за медиуми) – 09.02.2026