Скопје, 27 февруари 2026 – Редовни административни надзори за обврската од Законот за медиуми според која издавачот на онлајн медиумот – интернет порталот е должен на видно место за секој поединечен носител на содржина да обезбеди објавување на податоци за назив и адреса на седиштето и уредништвото на издавачот на медиум, име на одговорното лице на издавачот на медиум и име и презиме на одговорниот уредник, односно уредниците во согласност со внатрешната организација на уредништвото се извршени врз три издавачи на онлајн медиуми – интернет портали.
Со надзорите се опфатени Друштвото за информатички, технички и консултантски услуги ДМС КОМУНИКАЦИЈА ДООЕЛ Скопје, издавач на онлајн медиумот-интернет порталот „Скопје Инфо“ (www.skopjeinfo.mk); Друштвото за медиуми, трговија и услуги Н&М МЕДИА ГРУПА ДООЕЛ Скопје, издавач на онлајн медиумот-интернет порталот „Национал“ (www.nacionalno.mk) и Друштвото за маркетинг, трговија и услуги во медиумите и информирањето НИСТОРИ ДООЕЛ с.Стримница-Желино, издавач на онлајн медиумот-интернет порталот „Нистори“ (www.nistori.mk).
При надзорите е констатирано прекршување на 14 став 1 од Законот за медиуми кај трите онлајн медиуми – интернет портали.
Извештаите од извршените надзори се достапни на линкот:
Скопје Инфо (член 14 став 1 од ЗМ) – 27.02.2026
Национал (член 14 став 1 од ЗМ) – 27.02.2026
Нистори (член 14 став 1 од ЗМ) – 27.02.2026