Одржан првиот јавен состанок на АВМУ за 2025 година
Скопје, 26 март 2025 – Агенцијата за аудио и аудиовизуелни медиумски услуги денес го одржа првиот јавен состанок за оваа година, на кој директорот д-р Зоран Трајчевски направи пресек на реализираните активности согласно Годишната програма за работа во првиот квартал.
Присутните имаа можност да слушнат за активностите поврзани со спроведените програмски и административни надзори врз радиодифузерите, операторите на јавни електронски комуникациски мрежи и издавачите на печатени медиуми, како и изречените мерки јавна опомена за оние субјекти кои ги прекршиле Законот за медиуми и Законот за аудио и аудиовизуелни медиумски услуги.
На настанот беа споменати и активностите поврзани со меѓународната и европска соработка, покренатите постапки за одземање на дозволи за радиодифузерите, одлуките за одземање и доделување на дозвола за емитување програма, доделената донација од 1.500.000 денари за настраданите во пожарот во Кочани и др.
Презентацијата за реализираните активности согласно Годишната програма за работа за периодот јануари-март 2025 е достапна на линкот
Ставовите и мислењата од јавниот состанок се достапни на линкот.
Агендата за јавниот состанок на Агенцијата може да се преземе на следниот линк
Пријавата за учество на јавниот состанок на Агенцијата може да се преземе на следниот линк