Скопје, 28 март 2025г. – Редовен програмски надзор за почитувањето на правилата при емитување аудиовизуелни комерцијални комуникации, заштита на малолетните лица од програми што би можеле да им наштетат на нивниот физички, психички или морален развој, заштита на личните податоци на малолетните лица, обезбедување квизови или други облици на наградно учество, користење телефонски услуги со додадена вредност и телефонско гласање, емитување игри на среќа, редовен програмски надзор е извршен врз Наша ТВ, ТВ 21-М, ТВ 24 Вести, ТВ Клан Мацедониа, ТВ Шења и ТВ Сонце.
Со надзорите се констатирани повеќе прекршувања кај радиодифузери за различни одредби од ЗААВМУ. На програмата на Наша ТВ емитувана на 4 март во премиерните и репризните изданија на емисиите „Проект здравје”, „Градиме да трае” и „Зготвено над облаци“, беа емитувани поп-ап/реклами на поделен екран меѓу кои не минува пропишаниот период од најмалку 15 минути.
На програмата на ТВ 21-М емитувана на 4 март во премиерното издание на емисијата „Thirre 21-shin (Повикај го 21)“ констатирани се три прекршувања – емитувани се поп-ап/реклами на поделен екран меѓу кои не минува пропишаниот период од најмалку 15 минути, емитувана е прикриена аудиовизуелна комерцијална комуникација за „Оптика Капри“ и не се почитувани обврските при организирање програми со наградно учествување.
На програмата на ТВ 24 Вести емитувана на 4 март, во специјализираната информативна емисија „Фактор здравје со Билјана Дебарлиева“ не беа почитувани условите за пласирање производи во аудиовизуелните програми, како и правилата за означување на програмите што содржат пласирани производи, додека на програмата на ТВ Клан Мацедониа емитувана на 4 март, епизодите од играните серијали Nënë (Majka)“, „Merjem“ и „Tradhetia (Неверство)“, кои се означени како програми од трета категорија (12+) беа емитувани во несоодветни временски периоди од програмскиот сервис.
Извештаите од надзорите се достапни на линковите:
Наша ТВ – (прекршување на член 98 став 2 од ЗААВМУ) – 27.03.2025
ТВ 21-М – (прекршување на член 98 став 2 од ЗААВМУ) – 27.03.2025
ТВ 21-М – (прекршување на член 52 од ЗААВМУ) – 27.03.2025
ТВ 21-М – (прекршување на член 53 став 2 од ЗААВМУ) – 27.03.2025
ТВ 24 Вести – (прекршување на член 55 став 2, алинеи 2, 3 и 4 од од ЗААВМУ) – 27.03.2025
ТВ Клан Мацедониа – (прекршување на член 50 став 3 од ЗААВМУ) – 27.03.2025
ТВ Шења – (член 50 став 3, член 50-а, членовите 53, 54, 55, 98, 99, и 101, член 52, член 93 и член 94 од ЗААВМУ) – 27.03.2025
ТВ Сонце – (член 50 став 3, член 50-а, членовите 53, 54, 55, 98, 99, и 101, член 52, член 93 и член 94 од ЗААВМУ) – 27.03.2025