Скопје, 25 август 2026 година – Советот ги разгледа двете доставени Известувања за промена на сопственичката структура на Трговското радиодифузно друштво РФМ ДООЕЛ Скопје и Радиодифузното друштво Наша ТВ ДООЕЛ Скопје, поднесени преку адвокатско друштво.
Имајќи предвид дека одлучувањето по предметите оформени од страна на друг надлежен јавен орган претставува предуслов за постапување и одлучување по Известувањата за планираната промена на сопственичката структура на овие радиодифузери, Советот донесе Решение за прекин на постапката за одлучување по Известувањето за промена на сопственичка структура на Трговско радиодифузно друштво РФМ ДООЕЛ и Радиодифузното друштво Наша ТВ ДООЕЛ Скопје, до завршување на постапувањето по оформениот предмет на надлежниот јавен орган.