Скопје, 15 јули 2026 – Агенцијата за аудио и аудиовизуелни медиумски услуги изврши редовен програмски надзор врз телевизиските програмски сервиси на Јавното радиодифузно претпријатие МАКЕДОНСКА РАДИОТЕЛЕВИЗИЈА: МРТ1, МРТ2 и МРТ5, девет национални телевизии: ТВ Алсат-М, ТВ Алфа, ТВ Канал 5, ТВ Сител, ТВ Телма, ТВ Компани 21-М, ТВ Шења, ТВ 24 Вести и Наша ТВ и давателите на аудиовизуелни медиумски услуги видео по барање: Македонски Телеком (Max TV Видеотека), СВОД МАСТЕР (GLEY/ГЛЕЈ) и МТЕЛ (Move) за обврската за усвојување акциски план за пристапност на услугите за лицата со попреченост за 2026 година и негова достава до Агенцијата, најдоцна до 31 декември 2025 година.
Со надзорот може да се констатира дека сите даватели на аудиовизуелни медиумски услуги со обврска за достава на годишни акциски планови за пристапност на нивните услуги, ги доставија акциските планови за 2026 година и плановите според содржината се во согласност со законското барање за прогресивно исполнување на обврската.
Извештајот е достапен на следниот линк:
Општ извештај – (член 26 став 2 од ЗААВМУ) – 14.07.2026