Скопје, 15 октомври 2026 година – Агенцијата за аудио и аудиовизуелни медиумски услуги изразува загриженост поради заканите упатени кон новинарите Александар Митовски и Милош Милошевски преку социјалната мрежа Фејсбук, вклучително и објавената фотомонтажа со вознемирувачка содржина и заканувачка порака.
Злоупотребата на социјалните мрежи за заплашување и вршење притисок врз новинарите е апсолутно неприфатлива и претставува сериозна закана за нивната безбедност, како и за слободата на изразување и слободата на медиумите.
Различните ставови и несогласувањата со медиумското известување не смеат да бидат повод за закани, притисоци или обиди за замолчување на новинарите. Нивната безбедност и непреченото извршување на професионалните задачи се од суштинско значење за слободното и независно новинарство.