Скопје, 10 јуни 2026 – Редовен програмски надзор за почитувањето на правилата при емитување аудиовизуелни комерцијални комуникации, заштита на малолетните лица од програми што би можеле да им наштетат на нивниот физички, психички или морален развој, заштита на личните податоци на малолетните лица, обезбедување квизови или други облици на наградно учество, користење телефонски услуги со додадена вредност и телефонско гласање и емитување игри на среќа, редовен програмски надзор е извршен врз националните телевизии ТВ Алсат-М, ТВ Телма, ТВ Алфа, ТВ Канал 5 и ТВ Сител.
Со надзорот е констатирано дека ТВ Алсат – М на својот програмски сервсис емитуван на 4 мај 2026 година, во спонзорираната забавно-документарната емисија „1001 оброк“, преку посебно промотивно препорачување поттикнуваше купување на два производа на еден од спонзорите на емисијата. ТВ Телма на програмскиот сервис емитуван на 4 мај 2026 година, во забавно-документарната емисија „Авантурите на Марк“ и во забавната говорна шоу програма „Мојот пат до успехот“, емитуваше поп-ап/реклами на поделен екран меѓу кои не минува пропишаниот период од најмалку 15 минути.
Извештаите се достапни на линковите:
ТВ Алсат-М – (прекршување на член 54 став 1 од ЗААВМУ) – 09.06.2026
ТВ Телма – (прекршување на член 98 став 2 од ЗААВМУ) – 09.06.2026
ТВ Алфа – (член 50 став 3, член 50-а, членовите 53, 54, 55, 98, 99, и 101, член 52, член 93 и член 94 од ЗААВМУ) – 09.06.2026
ТВ Канал 5 – (член 50 став 3, член 50-а, членовите 53, 54, 55, 98, 99, и 101, член 52, член 93 и член 94 од ЗААВМУ) – 09.06.2026
ТВ Сител – (член 50 став 3, член 50-а, членовите 53, 54, 55, 98, 99, и 101, член 52, член 93 и член 94 од ЗААВМУ) – 09.06.2026