Скопје, 16 јули 2026 – Контролен административен надзор е извршен врз ТВ Плус за да се утврди дали е постапено по Решението за преземање мерка – јавна опомена, упатено од страна на Агенцијата за исполнување на обрската од член 15 став 1 од Законот за медиуми.

Скопје, 16 јули 2026 –Агенцијата за аудио и аудиовизуелни медиумски услуги изврши редовен административен надзор врз сите 90 радиодифузери коишто емитуваат телевизиска или радио програма.

Скопје, 16 јули 2026г. – Откако истече рокот за законско усогласување со Решението за јавно опоменување и за исклучување на реемитувањето на програмските сервиси, Агенцијата за аудио и аудиовизуелни медиумски услуги изврши контролен надзор врз операторот Фивенет за да се утврди дали програмските сервиси што ги реемитува операторот се регистрирани во Агенцијата во согласност со член 141 од ЗААВМУ.

Скопје, 16 јули 2026 – Агенцијата изврши редовен програмски надзор врз операторите Кабел Доо, Сигнал Нет и Телекабел за обврската во програмскиот пакет којшто го реемитува задолжително и бесплатно да ги обезбеди програмските сервиси на јавниот радиодифузен сервис, како и за обврските за регистрација на програмски сервиси во Агенцијата и титлување на програмите коишто ги реемитува.

Скопје, 15 јули 2026 – Агенцијата изврши редовен програмски надзор врз сите радиодифузери и трите даватели на АВМУ по барање, за обврската за обезбедување пристапност на услугите за лицата со попреченост, односно за исполнување на годишниот акциски план за пристапност и достава на годишен извештај до Агенцијата за аудио и аудиовизуелни медиумски услуги за минатата година, најдоцна до 31 март 2026 година

Скопје, 15 јули 2026 – Агенцијата за аудио и аудиовизуелни медиумски услуги изврши редовен програмски надзор врз телевизиските програмски сервиси на Јавното радиодифузно претпријатие МАКЕДОНСКА РАДИОТЕЛЕВИЗИЈА: МРТ1, МРТ2 и МРТ5, девет национални телевизии: ТВ Алсат-М, ТВ Алфа, ТВ Канал 5, ТВ Сител, ТВ Телма, ТВ Компани 21-М, ТВ Шења, ТВ 24 Вести и Наша ТВ и давателите на аудиовизуелни медиумски услуги видео по барање: Македонски Телеком (Max TV Видеотека), СВОД МАСТЕР (GLEY/ГЛЕЈ) и МТЕЛ (Move)