Shkup, 8.7.2026 – Në seancën e 24-ët, Këshilli i Agjencisë miratoi Vendim për uljen e Planit Financiar të Agjencisë për Shërbime Mediatike Audio dhe Audiovizuele për vitin 2026.
Këshilli i Agjencisë shqiptoi masë paralajmërim publik ndaj ShTR Televizioni Makpetrol ShPKNjP Shkup për shkelje të nenit 98, paragrafi (2) të Ligjit për Shërbime Mediatike Audio dhe Audiovizuele dhe neni 14, paragrafi (4) të Rregullores për teknikat e reja të reklamimit, sepse në dy emisione transmetoi reklama pop-ap në ekran të ndarë duke mos respektuar intervalin minimal të përcaktuar me ligj prej 15 minutash midis dy reklamave. Transmetuesi është i detyruar që në afat prej 10 ditësh të harmonizon punën e tij me dispozitat ligjore.
Masë paralajmërim publik është shqiptuar dhe ndaj ShTR Alsat-М ShPK Shkup, për shkelje të nenit 54, paragrafi (1) të Ligjit për Shërbime Mediatike Audio dhe Audiovizuele, sepse në emisionin e sponsorizuar është kryer rekomandim i veçantë promovues i produkteve të sponsorit të emisionit. Transmetuesi u urdhërua që në afat prej 20 ditësht të harmonizon punën e tij me dispozitat ligjore.
Këshilli i Agjencisë miratoi që drejtori i Agjencisë të marrë vendim për pagesë njëherëshe të ndihmës financiare për trajtimin mjekësor të një punonjësi.